Lazkaon inauteri festa egingo dute gazteek
Lazkaoko Gazte Asanbladak inauteriak ospatuko ditu, etzi, herrian. Iaz hasitako bideari segiz, egun osoko egitaraua prestatu dute. 12:00etan elkartuko dira, plazan, eta taldeko argazkia aterako dute. Trikitilariekin poteoa egingo dute jarraian. Bazkaria Amebi sagardotegian da —otorduaren eta autobusaren txartelak 15 euroan daude salgai, tabernetan—. 18:30a aldera herrigunera itzuli, eta tabernetan mozorro sariketa izango da. Heren, Nerea, Alboka, Zelata, Herrikoa, Amets eta Giroa tabernek parte hartuko dute, mozorro onenei sariak emanez.
