Legorretako jaietarako kartel lehiaketa deitu dute
Azentzio jaietako kartel iragarlea aukeratzeko lehiaketa antolatu du Legorretako Udalak, herritarrentzat. Karratuak izan behar dute, neurria aukeran. Teknika ere libre da, baina nahitaez Legorretako Azintzio jaiak 2013 testua eduki behar du irudiak. Festen ezaugarri, irudi edo lelo bat adierazi beharko da. Irabazleak Aulia sagardotegian bi lagunentzat afaria jasoko du saritzat. Kartelak martxoaren 22ko 14:00ak baino lehen utzi behar dira, udaletxean edo kultur etxean.
