Legorretan manifestazioa egingo dute gaur, atez atekoaren aurka
Hiri hondakinak atez ate biltzen hasiko diren egunean bertan, Legorretan manifestazioa egingo dute eredu horren aurkakoek. Legorreta Garbia ekimenak deitu du protesta, eta gaur 20:00etan hasiko da, plazan. Zabor poltsak eramateko eskatu dute. Plataforma horrek «intsumisiora» jotzeko eskatu die herritarrei, zaborren gaian. Legorretan, Itsasondon eta Zaldibian gaur hasiko da atez ateko bilketa.
