Atez atekoaren aldeko jaia izango da igandean Legorretan
Goierriko Zero Zabor taldeak atez ateko hondakin bilketa ereduari ongietorria egiteko bailarako festa antolatu du, iganderako, Legorretan. 12:00etan hasiko da ekitaldia, plazan. Eskertza bideoa emango dute, Gipuzkoa Zero Zaborreko kideen hitzaldia, bertsolariak eta Ibon magoa izango dira; pintxoak eta musika ere jarriko dituzte. Legorreta, Zaldibia eta Itsasondo zoriondu ditu taldeak, atzoz gerotik atez atekoa dutelako.
