Gazteentzako informazioa sarean
Apirilaren 17an Gazteentzako Informazioaren Europako eguna ospatu zen, Gazte informazioa zure alde lelopean. Ordiziako Barrenan dagoen Gazte Informazio bulegoak urteak daramatza gazteei ere zerbitzua eskaintzen. Informazioa jasotzeko eta zabaltzeko gero eta baliabide gehiago erabiltzen dituzte: sare sozialak, aldizkari elektronikoa, sms zerbitzua…
Gipuzkoako Gazteentzako Informazio Sarearen bloga da www.gipuzkoangazte.info/ordizia eta webguneak informazio eguneratua edukitzen du. Ordiziari dagokionaz gain, gazteei interesatzen zaizkien gaien erreferentzia da webgunea. «Blog honetan lanari, aisiari, bekei eta zuri interesatzen zaizkizun gainerako gaiei buruzko informazio praktikoa, kalitatezkoa eta eguneratua aurkituko duzu».
Uda garaia gerturatzen ari denean gazteentzat lagungarri izan daitekeen informazio baliagarria dago webgunean.
Udan zer.
- Udalekuak, kooperazioa, bidaia solidarioak, auzolandegiak, brigadak, hizkuntza ikastaroak, udako lan eskaintza: begiraleak, lana atzerrian…
- 14 eta 17 urte arteko gazteei eskaintza.
- Garapen bidean dauden herrialdeetan lankidetza proiektuetan parte hartzeko programa da.
- Gizarte osoarekin zerikusia duen proiektu batean parte hartzeko informazioa.
- Oporraldiak prestatzeko informazioa.
- Aterpetxe txartela, ikasle txartela, irakasle txartela…
- Hizkuntzak ikastera, lanera edo ikastera…
