Gizarte laguntzak 33 familiarentzat
Urretxuko 33 familiak eskatu dituzte gizarte larrialdietarako laguntzak urteko lehenengo hiruhilekoan. Guztira, 12.300 euro bideratu dituzte behar horietara. Iñaki Arriaran gizarte langileak zehaztutakoaren arabera, «oinarrizko beharrak asetzeko eta larrialdi egoerei» aurre egiteko laguntzak dira. Etxebizitza gastuetara bideratutako laguntzak daude «alokairua edo hipoteka ordaintzeko». Baita, «ura, argia edo gasaren fakturak» ordaintzeko, obra txikiak egiteko edo gama zuriko etxetresnak erosteko» ere. Oinarrizko beharrei aurre egiteko ere «janaria, fardelak...erosteko» bideratzen dira laguntzak. Lehenengo hilabeteetan egin diren eskaeretatik «%80 etxebizitza eta faktura gastuetara» bideratu dira.
Urteko lehenengo hiruhilekoan 12.300 euro bideratu dira gizarte larrialdietako laguntza hauetara.
