Herri Eguna ospatuko dute bihar Itsasondon
Itsasondoko Herri Eguna bihar ospatuko dute. Gazte taldeak antolatu du, 2011n hasitako ekimenean. 17:00etan mahai-futbol lehiaketa, 18:00etan argazki eta bideo emanaldia, eta 20:00etan patata tortilla lehiaketa izango dira, gaztetxeko aterpean. Gauean kontzertuak girotuko du herria. Haxotz, Amorru eta Bolkete taldeek eta DJek joko dute.
Bestetik, Itsasondo ekinez egina herriaren biziberritze prozesua bukatutzat eman du udalak. Bihar 12:00etan mokadutxoa emango dute plazan. Udalak funtzionamenduaren eta parte-hartze ereduaren berri emango du.
