Ataunen udarako kirol jarduerak prestatu dituzte
Ataungo Udalak hainbat kiroletan aritzeko aukera emango die herriko haurrei, ekainaren 24tik uztailaren 19ra bitarte. Kirol eskaintzan izena emateko epea zabalik dago, ostiralera arte, udaletxean (943 18 00 11) edo Auzoeta kiroldegian (Pako, 669 23 91 95). 1997 eta 2005 urteen artean jaiotakoentzat dira kirol jarduerak. Tenisa (uztailak 8-19), bizikleta (uztailak 1-5), aerobika (uztailak 8-19), piraguismoa (ekainak 24-28) eta eskalada (ekainak 24-28) egin ahalko dira. Arlo bakoitzeko prezioa 20 euro da. Bestetik, udaleku irekiak ere antolatu ditu udalak, umeentzat. Eskolan banatu diete informazioa eta egitaraua.
