Musika eskolakoen kontzertua bihar, Ataunen
Lazkaotxiki musika eskolak bihar, osteguna, egingo du Ataunen ikasturte bukaerako emanaldia, bertako ikasleekin. 18:30ean hasiko da, Herri Antzokian. Dantza taldeak eta bertso eskolak ere parte hartuko dute, Udaberriko Festa izeneko saioan.
Musika eskolak beste bi herritan ere ematen ditu klaseak. Ikaztegietan (Gipuzkoa) etzi da emanaldia, eta Lazkaon ekainaren 21ean, plazan.
