Afaria egingo dute Legazpi eta Sekundino Esnaolako bizilagunek
Zumarragako Legazpi kaleko azpialdean, erreka ondoan, auzotarrak afari batean elkartzen ziren orain urte batzuk. Auzoko jaiak ere antolatu izan zituzten Galeperra elkarteko kuadrilla batek bultzatuta. Baina, ohiturari ez zioten eutsi eta urte askoan ez dira elkartu auzotarrak. Urtarrilean ugazaba berriek hartu zuten Alkartetxe taberna eta jatetxea, eta Maika Leo bertako nagusiak hasiera-hasieratik buruan izan zuen auzoko jaiak berpiztea. Beranduegi zenez, auzotarren afariarekin konformatu dira aurtengoan. Legazpi kaleari Sekundino Esnaola kalea batu diote. Afaria etzi da.
Orain urte batzuetako ohiturari segida eman nahi dio Maika Leo Zumarragako Alkartetxeko nagusiak
