Olaberriko argazki lehiaketaren deialdia egin dute
Olaberrian abian da VI. Argazki Lehiaketa. Udalak deialdia egin du, eta baldintzak argitaratu ditu webgunean. Olaberritarrentzat nahiz kanpokoentzat dago parte hartzeko aukera. Lanak aurkezteko epea urriaren lehenera artekoa da. Epaia azaroan aterako da.
Edozein argazkizalek parte har dezake, adin mugarik gabe.Partaide bakoitzak lau argazki aurkez ditzake, gehienez. Paper fotografikoan inprimituta, eta 30×40 zentimetroko kartulinan sendotuta eraman behar dira Olaberriko udaletxera.
Lehen saria 250 eurokoa da, bigarrena 150ekoa eta hirugarrena 100ekoa. Herriko saria 100 eurokoa da. Denek garaikur bana ere jasoko dute. Lehiaketara aurkeztutako lanekin 2014ko egutegia osatuko du udalak.
