Agauntza erreka garbituko dute lazkaotarrek 31n
Urteroko moduan, Lazkaoko herritarrek auzolanean Agauntza erreka garbituko dute. Uztailaren 31rako, astezkena, egin dute hitzordua, goizean. Gazte Asanbladak antolatu du. Herri gunearen pareko erreka zatian ariko dira, jendeak bota behar ez lukeen zaborra ateratzen eta urtean zehar pilatu direnak biltzen. Plazan erakutsiko dute, ondoren, errekatik ateratako zaborra.
