Bizimodu kontzienteago baten aldeko Irriargi elkarteak amagandiko edoskitzearen inguruko argazki lehiaketa antolatu du. Gai honekin erlazioa duten argazki original eta argitaratu gabeak aurkeztea da lehiaketaren xedea. Argazkiak JPG formatuan bidali beharko dira irailaren 21a baino lehen
lehiaketak@irriargi.com helbidera. Bertan izen-abizenak, helbidea, telefonoa eta lehiaketan parte hartzen duen pertsonaren posta elektronikoa ere adierazi behar dira.
Alzuriko, Fotoetxeko, Mireseko, Irriargiko eta Beasaingo anbulategiko kide banak osatuko dute epaimahaia eta sari potoloak egongo dira jokoan: Hazi ta Hezirako 150 euroko balea, Meitai Maitierako 120 eurokoa, Ttiklik elkargunearn gastatzeko 50 euro eta Hazi Hezi aldizkariko harpidetzaz gain, sari gehiago ere banatuko dira. Sariak urriak 12an banatuko dira Loinazko San Martin plazan, egun berean egingo duten Amagandiko Edoskitze festan.
Lehiaketaren inguruko informazio gehiago
hemen klikatuta.
