Trikitilariak eta bertsolariak ibiliko dira bihar Lazkaon
Maizpide euskaltegiaren 39. Udako Ikastaroetako kultur egitarauan, uztaileko azkeneko ekitaldia bihar, osteguna, izango da. Bertsolariekin eta trikitilariekin poteoa izango da, 18:00etatik aurrera. Asteroko pintxo-poteak ekimenarekin bat egingo dute, gainera. Mikel Artola alegiarra eta Gorka Maiz gabiriarra ariko dira bertsotan, eta Joseba Iztueta eta Iban Maiz gabiriarrak trikiti-panderoak jotzen. Maizpiden bukatuko da txikiteoa, afal garaian.
