Julen Zabaletaren marrazkiz eta Josetxo Zufiaurreren informazioz osatutako Goierri Marrazkitan liburua aurkeztuko dute bihar arratsaldeko 19:00etan Igartza jauregian. Beasaingo Paperak bildumako 21. alea da argitalpen hau eta bertan Goierriko 23 herrietako mota askotako marrazkiak daude: ermitak, eraikin ezagunak, udaletxeak, dorretxeak, baserri bereziak… Marrazkiak tinta txinatarrarekin plumatxoz marraztuta daude. Zufiaurrek, berriz, herri bakoitzaren historia ofiziala bildu du liburu honetan, dokumentuetan azaltzen den informazioan oinarrituta.
Honen inguruko informazio gehiago biharko papereko Hitzan.
