Olaberrian euskara eta kultura sustatzeko taldea sortu dute
Olaberriko hainbat herritarrek eta eragilek Olaberriketan taldea sortu dute. Euskara eta euskal kultura sustatzeko helburua hartu dute, herrian bertan horretarako ekimenak sortuz. Talde bultzatzaileak bilera bat antolatu du, biharko. Deialdi irekia egin dute, olaberritarrentzat.
Olaberriketanen helburuak, egitekoak eta funtzionamendua azalduko dute, batzarrean. Taldean aritu nahi duten herritar guztiei ere gonbita zabaldu diete, bilerara joan daitezen. Ihurre Zahar eraikineko erabilera anitzeko gelan izango da bilera, bihar, osteguna, 18:30ean.
