Peru, Otsoa eta Tubby The Tuba
Andoni Salamero poeta ipuin bat kontatzen hasi da, Peru eta otsoaren ipuina. Ahotsarekin ari da, baina eskuekin eta imintziorekin ere laguntzen da. Salamerok Zumarragako Musika Bandako musikariak bidelagun izango ditu
The post Peru, Otsoa eta Tubby The Tuba appeared first on Otamotz.
Andoni Salamero poeta ipuin bat kontatzen hasi da, Peru eta otsoaren ipuina. Ahotsarekin ari da, baina eskuekin eta imintziorekin ere laguntzen da. Salamerok Zumarragako Musika Bandako musikariak bidelagun izango ditu igandean Zelai Arizti aretoko taula gainean. Guztien artean, bi ipuin musikatu kontatuko dizkiete haurrei.
Tubby The Tuba ipuinaren musika George Kleisingerrek idatzi zuen eta testuak Paul Tripp-ek. Peru eta Otsoa lanean Sergei Prokofiev-ek sortu zuen musika eta testuak egokitu.
Igandean aretoa haurrekin betetzeko grina badute ere, helduak ere gonbidatuta daude. Izan ere, Salamerok aurkezpenean esan zuen bezala: «Nork ez du maite ipuin bat entzutea?».
Zumarragako Musika Bandak herriko eragileekin lankidetza sustatzeko iaz martxan jarri zuen Batuz egitasmoaren barruan dago igandeko kontzertua. Urretxuko eta Zumarragako hiru eskoletan banatu dituzte gonbidapenak, eta besteak aretoko leihatilan jaso ahalko dira ostiralean, 19:00etatik 20:00etara. Kontzertua 13:00etan da.
Aurkezpenean esan zuten moduan, umeek begietatik dena jasotzen duten garaian, belarrietatik soilik sartzen denari gorazarre egingo diote igandean.
The post Peru, Otsoa eta Tubby The Tuba appeared first on Otamotz.
