Irailean hondakinen %79 bildu da gaika Ordizian
Datu baikorrak utzi ditu irailean Ordiziako atez ateko hondakin bilketak. Uztailean eta abuztuan zabortegira bideratu zen hondakin kopuruak gorakada izan bazuen, irailean nabarmendu hobetu da birziklapenerako joera.
Irailean etxeko hondakinen %79 bildu da gaika. Ordizian 236.660 kilo hondakin bildu ditu Sasieta Mankomunitateak; horietatik 186.820 kilo (%79) birziklatzeko guneetara bideratu ditu, eta 49.840 kilo (%21) zabortegira.
Martxoan ehuneko beretsuetara iristea lortu zuten Ordizian. Irailean, ordea, 12 tona gehiago bildu dira gaika.
Era berean, Ordiziako Udalak nabarmendu du 4.419 kilo hondakin organiko bilketa zirkuitutik ateratzen direla, konpost bihurtzen direlako hilero autokonpostaren eta auzokonpostaren bidez.
