Legorretan gaur hasiko da kultur astea
Eskaintza zabala eta ugaria dakar Legorretako aurtengo kultur asteak. Gaur (urriak 22, asteazkena) hasiko da egitaraua, igandera arte. Hitzaldiak, gizarte gaiak, ipuin kontaketak, dantza saioak eta mus txapelketa izango dira, besteak beste.
Aurtengo berritasuna sagar prentsaketarena da. Aldaieta jubilatu elkarteak eta Ugaro herri eskolak elkarrekin antolatu dute jardunaldia. Larunbatean izango da, eta bi sagar prentsaldi egingo dituzte, muztioa nola ateratzen den ikusteko. Sagarraren kultura zabaltzeko, lehenbizi garraioa egingo dute, Guadalupetik plazara. Sagar moten erakusketa ere jarriko dute.
Legorretan garai honetan ohitura bihurtu diren beste ekitaldi batzuk ere izango dira. Batetik, Legorparty ordenagailu topaketa. Asteburu osoan kultur etxean abiadura azkarreko konexioa jarriko dute. Bestetik, ibilgailu klasikoen III. Topaketa ere bada.
Egitaraua
Gaur (asteazkena, urriak 22)
- 17:00. Hitzaldia: ‘Bakardadeari aurre egiteko aukerak’, Izarne Lizaso psikologoak. Zineman.
- 17:30. Pello Añorga ipuin kontalaria, liburutegian (4 urtetik gorakoentzat).
- 19:00. Buruhandiak.
- 19:30. Kantu-jira, Elekun abesbatzarekin.
- 17:00. Hitzaldia: ‘Bilobak zaintzen dituzten aitona-amonentzat laguntza eta jarraibideak’, Maitane Fernandino psikologoarekin. Zineman.
- 19:00. Buruhandiak.
- 19:30. ‘Kultur aniztasunaren bidetik integrazioa’ proiektuaren aurkezpena, Dar-Dar Produkzioen eskutik. Udaletxean.
- 16:30. Pote, igel eta toka txapelketak jubilatuentzat.
- 17:00. Legorparty ordenagailu topaketaren hasiera, Patxi Ezkiaga Kultur Etxean.
- 23:00. Legorretako XX. Mus Txapelketa, Bilkoin elkartean.
- 11:00. Sagar garraioa, Guadalupeko ermitatik plazara.
- 11:30. Harrera, Irrintzi Alai dantza taldeak.
- 11:45. Sagar prentsaketa tea muztioa ateratzea.
- 17:00. Sagarren eta bere deribatuen erakusketa.
- 17:30. Bigarren sagar prentsaketa.
- 20:00. Aitzol Aramaio Film Laburren Lehiaketako lanen emanaldia eta sari banaketa.
- 10:00etatik 18:30era. Ibilgailu klasikoen III. Topaketa, Kale Nagusian.
- 11:30. Topaketako partaideentzat hamaiketakoa.
- 14:00. Partaideen bazkaria, Bilkoin elkartean.
- 18:00. Sari banaketa.
- 20:00. Legorparty ordenagailu topaketaren amaiera, kultur etxean.
