Zartagin eta burdin hotsekin ari dira ospatzen Ordizian kaldereroak
Urrup antzerki taldeak 19:00tean aurkeztuko du Zozomikote
Arropa koloretsuak jantzi, zartagina esku batean eta mailua bestean, eta herriko kaleetan desfilea eginez hasi dute kaldereroen eguna Ordiziako umeek. Jakintza ikastolako, Urdaneta eskolakoak, musika eskolako banda txikikoak, eta Urdaneta eta Amets Bide dantza taldekoak irten dira eguerdian kalderero jantzita. Ondoren batu zaizkie Umore Ona abesbatza, Laguntasuna errondaila, eta Antxon Imaz eta Jose Inazio Iturriotz, elkarrekin herrigunean zehar paseoa egiteko.
Arratsaldea eta gauean ere izango da zer egin Ordizian, 18:30ean txokolate beroa edanez egingo baitiote aurre hotzari txikienek. Urrup antzerki taldeak ordu erdi beranduago aurkeztuko du Zozomikote, 19:00etan, Nikolas Lekuona plazan. Pregoia ere bertan egingo dute, eta ondoren egingo dute arratsaldeko desfilea. Bukerako erretreta, antzerkia eta ikuskizuna Plaza Nagusian izango dira.
Eta gauean kontzertuak leku berean, O.T.A eta Ordiziarocken eskutik: Z.E.R eta Starblues taldeek egingo dute kontzertua. Arratsaldetik gauera arteko tartea arintzeko, herriko jatetxeetan “kaldererotako menu berezia” eskainiko dute afaritarako.
[nggallery id=135]
