Silvia Trigueros eta Aitziber Osinalde izan dira lehenak helmugan

Goierriko Hitza

2015/07/11

Goierriko 2 Handien emakumezkoen podiuma ere osatu dute dagoeneko, eta gizonezkoetan bezala, ordubetean ondu dituzte iazko denborak. Silvia Trigueros abadiñoarra izan da azkarrena 12:15:34ko denbora eginda. Bigarren Aitziber Osinalde legazpiarra sartu da helmugan, lau minutuko aldearekin. Emakumezkoen podiuma Elena Calvillo beasaindarrak osatu du (12:34:24). G2Hko probarekin batera, Euskal Herriko Ultratrail Txapelketa zegoen aurten jokoan. Honenbestez, Triguerosek EHko txapela ere jantziko du. Aurreko edizioarekin alderatuta, ordubete gutxiago behar izan dute helmugara iristeko, eta neurri handi batean eguraldia lagun izan dutelako izan da. Triguerosek adierazi du Osinaldek aurre hartu diola Aizkorrira igotzen, baina beherakoan harrapatu eta pasatu egin duela. Bien arteko lehia horrek Beasain arteko bidea azkar egitea ere suposatu duela adierazi dute biek ala biek. Calvillok ere gustura azaldu da hirugarren postuarekin. Aralarren behe-laino eta hotza egin duela ere esan du, baina gainontzean bidea lehor zegoela, eta korrikarako egoki. SAILKAPENA 1. Silvia Trigueros (Abadiño): 12:15:34 2. Aitziber Osinalde (Legazpi, lehen goierritarra): 12:19:54 3. Elena Calvillo (Beasain): 12:34:24

Azken elkarrizketak

Azken bideoak

Argitalpen bereziak