Elgoibarko Mausitxak irabazi du Gipuzkoako Artzain Eguneko gazta txapelketa

Asier Zaldua

2015/09/06

Gipuzkoako Artzain Eguna ospatu dute Legazpin. Goizean, hainbat lehiaketa egon dira. Gipuzkoako Artzai Gazta lehiaketa Elgoibarko Mausitxak irabazi du. Bigarren saria Olaberriako Aizpea gaztandegiak irabazi du, hirugarrena Beizamako Patxi Otaegik, laugarrena Joseba Insausti ordiziarrak, bosgarrena Antzuolako Pikuñetak eta seigarrena Segurako Karmele Muruak. Sei hauek eta Gabiriako Baztarrikak, Legazpiko Arantza Segurolak, Aiako Jose Luis Odriozolak eta Tolosako Begoña Balerdik Gipuzkoa ordezkatuko dute urrian Idiazabalen jokatuko duten Euskal Herriko txapelketan. Gazteen epaimahaiak Aizpeari eman dio saria eta epaimahai herrikoiak, berriz, Arantzazuko Gomiztegiri. Beste lehiaketa batzuk ere egon dira. Ardi lehiaketari dagokionez, mutur beltzetan, ardi eta arkazta onenak Arantza Segurolarenak izan dira. Mutur gorritan, ardi onena Gomiztegiko bat izan da eta arkazta onena Baztarrikako bat. Sukaldaritza lehiaketari dagokionez, La Bellota extremaduratarren zentrokoek prestatu dute ardi haragi onena. Horra hor Artzain Eguneko argazki sorta.

Azken elkarrizketak

Azken bideoak

Argitalpen bereziak