500 neska-mutilek hartuko dute parte asteburuan Beasaingo futbol festan

2004 eta 2010ean jaiotakoen festa izango da. Jokalari guztiek Irantzu Aizpuruaren omenezko 6 zenbakia eramango dute kamisetan. Beasain futbol taldeko taldeen aurkezpena egingo dute.

Loinaz Agirre

Beasain

2015/09/14

Ostiraletik igandera 500 neska-mutilek parte hartuko dute.

Futbol festaren aurkezpenean, Beasain kirol elkarteko Luis Garmendia, Iñigo Arrese, eta Beasaingo alkatea Aitor Aldasoro eta Elena Ruiz zinegotzia.

Beasaingo futbol festaren bosgarren edizioa ere arrakastatsua izango da. Dagoeneko ehun taldek baino gehiagok eman dute izena. Beraz, Beasaingo eta Goierriko 500 neska-mutil baino gehiago elkartuko dira ostiraletik igandera, Beasaingo Loinazko San Martin plazan jarriko dituzten bi futbol zelai txikietan. 3×3 erako partidak jokatuko dituzte. Egitasmo horrekin futbolaren baloreak zabaldu eta futbola herrigunera eraman nahi du Beasaingo Kirol Elkarteak. Jokalari guztiek 6 zenbakia eramango dute bizkarrean. Beasaingo jokalaria izan zen Irantzu Aizpurua zenaren zenbakia, alegia. Izena eman duten haurrek asteazkenean, 17:30ean has daitezke kamisetak jasotzen, Igartzako futbol zelaian. Beste berrikuntza bat izango da aurten: Atzegiko jolariz osatutako partidak jokatuko dira larunbat iluntzean. Ohi bezala, Beasain kirol elkarteko taldeen aurkezpena ere egingo dute ostiralean bertan, 20:30ean hasita. Asteburuko egitaraua:

Osteguna, 17: 13:00. Iñaki de Mujiaren La Movida Deportiva irratsaioa Urkiola jatetxetik zuzenean.
Ostirala, 19: 16:00-20:30. Gaztetxoen arteko 3×3 futbol partidak. 20:30. Beasain K.E.ko talde guztien aurkezpena. 21:00. Musikaz girotutako afariak plazan.
Larunbata, 19: 09:30-20:30. Futbol partidak. 11:00. Kamiseta margoketa tailerra udaletxeko arkupeetan. 20:30. Atzegiko taldeen arteko partidak. 21:00. Musikaz giroturiko afariak plazan.
Igandea, 20: 09:30-14:30. Futbol partidak. 13:00-13:30. Haurrentzako penalti eta toke saioak, opariekin. 14:30. Paella erraldoia eta bertso saioa. 17:00-19:00. Finalak. 18:00. Sari banaketa. 19:00. Saski erraldoiaren zozketa.

Azken elkarrizketak

Azken bideoak

Argitalpen bereziak