Londresko opera emanaldien zuzeneko proiekzioak Zelai Ariztin
Datorren ostegunean, hilak 10, Cavalleria Rusticana eta Pagliacci opera emanaldien zuzeneko proiekzioak ikusteko aukera izango da Zelai Ariztin aretoan. Londresko Royal Opera House-etik zuzenean emitituko dute emanaldia. Azpidatziak izango ditu,
Datorren ostegunean, hilak 10, Cavalleria Rusticana eta Pagliacci opera emanaldien zuzeneko proiekzioak ikusteko aukera izango da Zelai Ariztin aretoan. Londresko Royal Opera House-etik zuzenean emitituko dute emanaldia. Azpidatziak izango ditu, gainera, ingelesez ez dakienarentzat. 20:15ean hasiko da emanaldia, eta atsedenaldia izango da. Tarte horretan jateko zerbait eskainiko dute.
Urretxu Zumarragako Musikaren Lagunak taldeak dei egin du emanaldira joateko. “Aukera ona da opera zuzenean ikusi ahal izateko, herrian bertan”, adierazi du Sara Zufiaurrek. Gainera, prezioa ere eskuragarria dela gogoratu du. Sarrerak hamar euro balio ditu aurrez erosiz gero, eta hamabi egunean bertan.
Cavalleria Rusticana eta Plagiacci operak bata bestearen jarraian eskaintzen dira normalean, laburrak direlako. Ordu eta hogei minutuko iraupena du bakoitzak, gutxi gorabehera. “Arrakasta dute lantzen dituzten gaiengatik, eguneroko bizitzaz hitz egiten baitute”, esan du Zufiaurrek.
Cascanueces balleta
Bestalde, datorren abenduaren 16an Cascanueces balletaren proiekzioa emango dute Zelai Ariztin, hori ere Londrestik zuzenean. “Nik zuzenean ikusi dut ballet hau, eta merezi du; egokia da haurrentzat zein helduentzat”, esan du Nerea Gonzalez de Audikanak. Fantasiazko mundu bat irudikatzen du Cascanueces balletak.
