Legorretan jaietan dira

Paellak eta mozorroak dira gaurko osagai nagusiak

Goierriko Hitza

2016/05/07

Mozorroen eguna ari dira ospatzen gaur Legorretan

Legorretan Azintzio jaiak dira, ostegunean hasi eta igandera arte. Hilaren 28an, berriz, Corpus Christi eguna ospatuko dute. Ekitaldiz betetako jai egitaraua prestatu dute egun hauetarako. Gaur, mozorro eguna ospatzen da, eta herriko kuadrillak mozorrotuta elkartu dira eguerdi aldera plaza nagusian. Mozorroena ez ezik, paellen eguna ere bada gaurkoa. Lehiaketa egin dute frontoiko estalpean, eta horixe izan da gero herri bazkariaren plater nagusia. Festak jarraipena izango du gauerdian, Elektro Txufla elektrotxarangarekin. Bihar kalejira egingo dute Solano musika eskolako kideek eguerditik aurrera, eta arratsaldean herri kirolen erakustaldia egingo dute. Jaiei amaiera emateko, Gizon Piku ehortziko dute.

Azken elkarrizketak

Azken bideoak

Argitalpen bereziak