Ongi etorria Bele Gazten
Aurten 12 urte beteko dituzten gaztetxoei harrera egin die Zegamako Bele Gazte gaztelekuak. 26 nerabe ari dira aisialdi ekintzetan parte hartzen.
Urte berriarekin batera, Bele Gazte Zegamako gaztelekuak harrera egin die aurten 12 urte betetzen dituzten nerabeei. Urtarrilaren 18an egin zieten ongi etorria; guztira, 26 nerabe berri hasi dira urte honetan gaztelekuan. Jolasak, altxorraren bila eta merienda izan zuten gazteek. 12-18 urte bitartekoentzako zerbitzua da gaztelekua.
