Musika, antzerkia eta bertso saioa Maizpideren udako ikastaroen egitarauan
Udako euskara ikastaroetan musika, antzerkia eta bertsoak izango dituzte. Beasainen eta Ordizian ere badira musika saioak.
Xabaltx kantari lapurtarra.
Maizpidek udako ikastaroen kultur egitaraua prestatu eta abuztuko lau egunetarako ekintza ezberdinak antolatu ditu. Abuztuaren 6an ekingo diote egitarauari. Xabaltx musikariaren kontzertua izango da Lazkaoko plazan, 19:00etan. Abuztuaren 11n izango da hurrengoa: Erdaldun berrien kluba bakarrizketa Olatz Pagaldai aktorearen eskutik. Maizpideko atarian izango da, 19:00etan.
Abuztuaren 20rako, berriz, emakume gazteen bertso saioa antolatu dute. Saioa Alkaiza, Haizea Arana, Maider Arregi eta Eli Pagola bertsolariek parte hartuko dute. Aizpea Garmendia izango da gai jartzailea. Lazkaoko plazan izango da, 19:00etan. Azken ekintza abuztuaren 25ean izango da. Esnatu naiz kabareta ikusteko aukera izango da Areria antzokian, 19:00etan.
Behin laukotea Beasainen
Datorren asteko ostegunean, abuztuaren 5ean, Beasainen, Igartza musika emanaldia izango da. Jon Urbizu saxo-jotzaileak, Patricia Mancheño baxu elektriko jotzaileak, Imanol Iribarren teklatu joleak eta Gorka Otamendi bateria-jotzaileak osatutako Behin laukoteak kontzertua emango du Erauskin plazan, 20:00etan.
Musika saioak Ordizian
Ekirock egitasmoak ere hainbat kontzertu antolatu ditu abuzturako Oiangu parkean. Igandean DJ XaBeat & DJ Iban Device eta Sara Apalategiren saioa izango da, 17:00etan. Sara Apalategik txalaparta eta perkusio saioa eskainiko du abuztuaren 7an 19:00etan, abuztuaren 14an DJ Monkey Man-en elektronika saioa izango da ordu berean, eta abuztuaren 27an Marina Landaren kontzertu akustikoa.
