Udako argazkirik onenen bila
GOIERRIKO HITZAK antolatutako XVI. Argazki lehiaketa martxan da. Irailaren 17rako aurkeztu behar dira irudiak. HITZAkideek sari bereziak lortzeko aukera izango dute
Udako oporren oroigarririk onena izan ohi dira argazkiak. Baina momentu alaiak gogoratzeko ez ezik, sariak irabazteko ere balio dute. GOIERRIKO HITZAk 16. aldiz antolatu du Udako Argazki Lehiaketa. Irekia da lehiaketa parte hartu nahi duten guztientzat, baina HITZAkide direnek sari bereziak eskuratzeko aukera izango dute.
Dagoeneko zabalik dago lehiaketan parte hartzeko epea, eta irailaren 17ra arte bidali ahal izango dira argazkiak. Horretarako, GOIERRIKO HITZA-ren webgunean sartu eta Udako Argazki Lehiaketaren atala sakatu behar da. Bertan agertzen den formularioa bete eta argazkia zuzenean igo behar da plataformara. Lehiakide bakoitzak argazki bakarra aurkez dezake. Irailaren 18tik 28ra bitartean, berriz, irakurleek beraien argazki gogokoenaren aldeko botoa emateko aukera izango dute.
Lau sari guztira
Udako 16. Argazki Lehiaketan hiru sari nagusi banatuko dira, eta beste bat irakurleek boto gehien ematen dioten argazkiak jasoko du. Argazki Onenaren sarirako partaidetza irekia izango da, eta HITZAkide direnek eta ez direnek parte hartu ahal izango dute. Manipelek eskainitako 60x100eko argazki handitua izango du saritzat.
Bi saririk potoloenak HITZAkideek bidalitako argazkien artean banatuko dira. Lehen saria nekazalturismo batean bi lagunentzako bi eguneko egonaldia izango da, Nekatur-ek eskainitakoa. Eta bigarren saria Gabiriako Korta jatetxeak eskainitako bi lagunentzako otordua.
Azken saria irakurleek erabakiko dute, webgunearen bidez botoak emanda. 50x80ko argazki handitze bat jasoko du bozka gehien jasotzen duenak. Sari banaketa urriaren 7an izango da.
Argazki lehiaketa
OINARRIAK
· Lehiaketa. GOIERRIKO HITZAren Udako XVI. Argazki Lehiaketa.
· Epeak. Irailaren 17a bitartean bidal daitezke argazkiak goierri.hitza.eus webguneko lehiaketaren atalean dagoen formularioaren bidez. Derrigorrezkoa da datu guztiak betetzea.
· Parte-hartzea. Irekia izango da parte hartu nahi duten guztientzat. HITZAkideek, ordea, sari berezietarako aukera izango dute. Argazki bakarra aurkez daiteke.SARIAK
· Argazkirik onena. Manipelek eskainitako 60x100ko argazki handitua Kappa euskarrian.
· Hitzakideen 1. Saria. Nekazal-turismo batean bi lagunentzako bi eguneko egonaldia (gosariak barne), Nekatur-ek eskainita.
· Hitzakideen 2. Saria. Gabiriako Korta jatetxeak eskainitako bi lagunentzako otordua.
Irakurleen botoa. Webgunean boto gehien jasotzen duen argazkiarentzat 50x80ko argazki handitua, Manipelek eskainia.
· Sari banaketa. Urriaren 7an,19:00etan, Beasaingo Nafarroa23 estudioan.
