Pedro Migel Etxenikeren hitzaldiarekin hasiko da 10. 'Made in Goierri' zikloa
Beasaingo Igartzako jauregian, ostegunean, 19:00etan, 'Zientzia, Ekonomia. Osasuna. Kultura' gaia landuko du zientzialari nafarrak. Gainerako hiru hitzaldiak ostiraletan egingo dituzte
Lemniskata sareak hamargarren urtez Made in Goierri zikloari hasiera emango dio ostegunean. «Eta urteurrenak merezi duenez, hitzaldi indartsuak» antolatu dituzte. «Euskal zientziako lehen mailako ikerlariak, Pedro Miguel Etxenike, Pablo Martinez Lage eta Fernando Plazaola, eta bailarako lehen mailako enpresa ordezkariak, Aitor Imaz, Asier Lekuona, Josean Etxebeste, Eider Iztueta eta Josean Guerra» gonbidatu dituzte.
Etxenikek Osasuna. Ekonomia. Osasuna. Kultura gaia izango du hizpide. COVID-19aren pandemiak zientzia jarri du erakusleihoan, eta agerian utzi du garrantzi handia duela gizateriaren etorkizunerako. «Iraganarekin dugun alderik handiena zientzian dago. Iraganeko oinarrizko zientziak, itxuraz alferrikakoa denak, etorkizunera begira itxaropena emateko baliagarriena dena azaldu du».
Honela, Etxenikeren esanetan, «zientzia kulturalki erabakigarria da, eta ekonomikoki erabakigarria. Nazioen aberastasun klasiko bat parafraseatuz, nozioen aberastasunaren araberakoa izango da, eta nazioen osasuna ere nazioen aberastasunaren araberakoa izango da».
‘Made in Goierri’
Hitzaldiak Beasaingo Igartza jauregian izango dira, 19:00etan.
HITZALDIAK
· Martxoaren 3an. Pedro Migel Etxenike: Ciencia. Cultura. Economia. Salud.
· Martxoaren 11n. Pablo Martinez Lage: La investigacion en Cita-alzheimer: avances en el tratamiento y la prevencion de la enfermedad.
· Martxoaren 25ean. Goierriko enpresak elkarlanean aurrera. GH, Aitzkorri SL, CAF, Orkli, Irizar enpresetako Josean Guerra, Idoia Iztueta, Aitor Imaz, Asier Lekuona eta Josean Etxebeste.
· Martxoaren 18an. Fernando Plazaola: Fusioko energia aldaketa-klimatikoa eragozteko aproposa izango al da?.ERAKUSKETA
· Martxoaren 28tik apirilaren 8ra. Lazkaoko Kultur Etxean: VIII. Lemniskata nazioarteko matematika argazki lehiaketako erakusketa.
