Ordiziar txikienei jaietako zapiak banatu dizkiete
Haurren asteburuan 2021.urtean erroldatutakoei zapiak banatzeko ekitaldia egin dute Ordiziako Plaza Nagusian, goizeko 10:00etan.
Asteburu honetan Ordiziako Santa Ana Jaietako haurren asteburua ospatuko dute ordiziarrek. Gaur goizeko 10:00ak baino lehen plaza lepo bete da haur zein gurasoz, ekitaldirako prest. Ilusioa zen nagusi, bi urte luzeren ondoren jaiak itzuli baitira, eta gainera, ordiziar berriei jaietako zapiak banatu dizkiete, une hunkigarria izaten da hau urtez urte. Aurtengoan 2021.urtean erroldatutako jaioberriei banatu dizkiete zapiak Plaza Nagusian egindako ekitaldian. Denetariko emozioak izan dira ekitaldian. Gurasoek ilusioz bizi izan dute momentua, baita zenbait haurrek ere. Zapia banatu ondoren argazkiak ateratzeko unea hartu du familia bakoitzak eta ekitaldiaren amaieran, Plaza Nagusiko eskaileretan egin dute argazkia zapiak jaso dituzten haur guztiekin.
