Kittu taldearen kalejira eta Ikatzako kideen naturako argazkiak, Uztakaleren gaurko proposamenak
Uztakale programa hirugarren astea amaitzera doa, eta musika eta irudia aukeratu ditu horretarako. Asteburuan Aztiriko jaiak ospatuko dira, eta hurrengo astean ere izango da zer egin Legazpiko kaleetan.
Haurrentzako ekintzez, antzerkiaz eta musikaz gozatzeko aukera eman duen Uztakale programaren hirugarren astea amaitzera doa Legazpin, baina oraindik badago zer egin. Gaur musika eta irudia izango dira protagonistak herrian bertan, eta gaur hasiko dira, gainera, Aztiriko festak.
Musika Kittu taldeak jarriko du, dantzarekin batera, 19:00etatik aurrera, erdigunean. Legazpin ezaguna den taldea hau, Goiz Deia txistulari bandak gonbidatuta etorri izan delako beste urte batzuetan ere. Euskal Herriko gaurko eta betiko abestiak eta kantak estilo propioarekin plazaratzen ditu Kittuk, Euskal Herrian betidanik izan diren instrumentuak erabiliz. Lai kidek osatzen dute taldea: Igor Lauzirika, akordeoiarekin; Markel Atutxa, perkusioarekin eta dinamizazioaz arduratuz; Aritz Labrador, txirularekin, txistuarekin eta bonboarekin eta dantzaz arduratuz; eta Iñigo Etxebarria, txirularekin, txistuarekin eta dultzainarekin;
Irudia, berriz, Ikatza elkarteko argazkilarien aldetik iritsiko da, Azokara, 22:30ean. Gaurko emanaldia naturari eskainiko diote.
Amaitzeko, Aztiriko Santa Marina jaiak hasiko dira gaur, eta astelehenera arte luzatuko dira. Aztiri Bat elkarteak antolatu ditu aurten ere, Gabiriako eta Legazpiko udalen babesarekin. Legazpitik, ohi bezala, auzora joateko Junetorri autobus zerbitzu berezia egongo da larunbat arratsaldean eta igande goizean eta arratsaldean
SANTA MARINA JAIAK, EGITARAUA
UZTAILAK 14, OSTIRALA
19:00 EZKIL JOALDIA ETA ETXAFLEROEN JAURTIKETA, JAIEN HASIERA ADIERAZTEKO
19:00 BOLA ETA TOKA LEHIAKETA AUZOTARRENTZAT. IZEN EMATEA 20:00 AK AURRETIK
21:00 AUZO AFARIA AZTIRIA ERRETEGIAN
23:00 JOSU ZUBIAREKIN KANTAK GOIZALDERARTEUZTAILAK 15, LARUNBATA
11:00 AUZOTARRAK OTAÑORA MENDI IRTEERA
13:00 POTEO HERRIKOIA
18:00 AZTIRIKO XXVI. PATATA TORTILA LEHIAKETA. ONDOREN PINTXO ETA ARDO BANAKETA ANSORREGI ETA LARRAÑAGA TRIKITILARIEK ALAITUTA.
21:00 BERTSO AFARIA AZTIRI BAT ELKARTEAN. ARATZ IGARTZABAL, ENEKO ARAIZTEGI ETA ANE BELOKIREKIN. ONDOREN ERROMERIA GOIZALDERA AARTEUZTAILAK 16, IGANDEA
10:00 GOIZ ERESIA GABIRIAKO TXISTULARIEKIN
10:30 AZTIRIKO XVII. MENDI LASTERKETA
11:00 MEZA NAGUSIA
12:30 AUZOKO NAGUSIARI OMENALDIA
12:45 MENDI LASTERKETAKO SARI BANAKETA ELUSTONDO ANAI-ARREBEKIN
13:00 GORUNTZ DANTZA TALDEAREN OMENALDIA
18:30 HERRI KIROLAK PLAZAN, LAKIOLATARREN DESAFIOA AIZKORAN ETA BERTAKO GAZTEAK LAGUNDUTA
18:30 PROBINTZI MAILAKO BOLA LEHIAKETA TRIKITILARIEK ILUNTZERA ARTE JARRAITUKO DUTEUZTAILAK 18 ASTEARTEA
11:00 MEZA NAGUSIA, ONDOREN HAMAIKETAKOA AUZOKO MUSIKARIEK ALAITUTA.
