Beasaingo EAJ eta Hamaikabat alderdietako ordezkariek «harridura» agertu dute, udal gobernu taldeak azken osoko bilkuran hartutako hainbat erabakiren aurrean. Horren aurrean, beraien iritzia emateko agerraldia egin zuten, joan den ostegunean. Gizarte hezitzaileen lan hitzarmena, enplegua bultzatzeko proposamenak eta Olarango etxebizitzen afera izan zituzten hizpide. Joxi Intxausti H1!-eko zinegotziak azaldu zuenez, bi alderdiok kezkatuta daude Beasainen «familia interbentzioko eta kale hezitzaileen hezkuntza ereduaren jarraipenaren inguruan». Izan ere, bi programa horien jarraipena «kinka larrian» dagoela uste dute, batez ere, «Bilduko ordezkariek programa horiek aurrera eramaten dituzten elkarteari jarri dizkien traba administratiboak» direla eta. Bi alderdiek azaldutakoaren arabera, «bi programa horiek kudeatzen dituen elkarteak, kontratuan azaltzen zen kopurua aldatzeko eskaera luzatu zion udalari, euren langileei gizarteko parte-hartzearen lan hitzarmen probintziala ezarri ahal izateko». Bilduren udal gobernu taldeak, ordea, «eskaerari uko egin zion, txosten tekniko batean oinarrituz, kontratuaren aldaketa ematen zela eta lehiaketa publikora atera behar litzatekeela esanez». Egoera horren aurrean, EAJk eta H1!-ek, Gipuzkoako Foru Aldundiak erabili duen formula bera erabiltzeko eskatu diote udalari, «horrela langileen eskakizunei erantzunez». Beasaingo Bilduk kontrako jarrera erakutsi duela ikusita, «txundituta» gelditu dira bi alderdiok. «Beasaingo udalak onartutako neurriak ezbaian jartzen du hezkuntza proiektu honen jarraipena; halaber, programa hauek kudeatzen dituzten langileen lan eskubideak ez ditu kontuan hartzen». Hori guztia ikusita, Bilduk «euren politika estrategia [...]
20 urtez Beasaingo Udaleko zinegotzi izan da, eta 8 urtean Foru Aldundiko Gizarte Politika Saileko Haur eta Gazteen Zuzendaria.
Legazpiko EAJk eta Hamaikabatek hondakinak biltzeko atez atekoaren aurkako sinadura bilketa hasiko du ekainaren lehenean. Hala jakinarazi dute gaur eguerdian eman duten prentsaurrekoan. Udalak atez atekoa “derrigorrez” ezartzea erabaki duela salatu dute, eta hondakinak kudeatzeko sistema horren eta erabakiaren aurka agertu dira. Hala, “alkate jaunari zuzendutako sinadura bilketa” ostiraletan (09:00etatik 12:00etara) eta larunbatetan (11:00etatik 13:00etara) egingo dute. Mahai bana jarriko dute azokan eta Laubiden. Legazpin bizi den 18 urtetik gorako edonork eman ahalko du sinadura. Javier Iraeta EAJko zinegotziak eta Mari Jose Cantero herritarrak azaldu dutenez, sinadura bilketarekin birziklapenarekin duten “konpromisoa” eta “atez ateko zabor bilketaren kontrako jarrera” helarazi nahi diote Kela Urzelai alkateari. “Zabor bilketa hau mantentzen badute, herriari kontsulta egin diezaiola” ere eskatuko diote Bilduri. Lau puntuko eskaera EAJk eta Hamaikabatek martxan jarriko duten sinadura bilketa lau puntutan oinarritzen dela jakinarazi du Koldobike Olabide herritarrak. “Edukiontzien bidez hondakinen bilketa selektiboa eta birziklapena bultzatzen jarraitzeko materia organikoa biltzeko 5.edukiontzia” jartzea eskatzen dute. Hala, sinatzen duenak hondakinak birziklatzeko konpromisoa hartuko du. Hondakinak birziklatzeko eta “neurri eta egitasmo berriak martxan jartzeko, herritarren heziketa eta kontzientziazioa hobetzeko” prebentzio neurriak hartzea ere eskatuko dute sinatzaileek, eta sinadura emateak “Legazpin zaborraren bilketarako atez ateko bilketa ezartzearekin bat ez etortzea” suposatuko du. Udalak atez ateko [...]
Hamaikabatek aniztasuna eta partaidetza bultzatu nahi ditu Beasainen, “ikuspegi abertzale batekin eta udal gobernu plural eta bateratzaile batean oinarrituta”. Helburu hori lotzeko, “gizon eta emakume talde konprometitu eta arduratsu baten alde” egin dute, hamazazpi hautagaietatik hamabi independenterekin. Josi Insausti zerrendaburu dela, udalaren zeharkako kudeaketaren alde lan egiteko asmoa agertu dute Hamaikabatek Beasainerako prestetau duten hautes programan. “Udaleko departamentuak elkarrekin harremanetan egonda”, herritarrei udalean gertatzen denaren berri emanda, eta parte hartzea bultzatuz lortu nahi dute hori. Haurren, nerabeen, emakumeen, hirugarren adinekoen, elbarrien… eskubideen edozein urraketa antzemateko sareak sortzea proposatzen du H1!-ek. Sare horiek sortzeko, gizarte eskubideei buruzko informazio-kanpainez baliatzea eta administrazio-izapideak erraztea pentsatu dute. Zirkulazioa eta aparkalekuak Beasainen alkatetzarako aurkeztu diren gainerako alderdiek bezala, Hamaikabet ere herrian dauden trafiko arazoak konpontzeko saiakera egin nahi du. Horretarako, zirkulazioaren eta aparkelekuen inguruan hainbat proposamen egin dituzte. Zirkulazio arazoak arintzeko, herriko sarreretan informazio panelak jarriko dituzte, eta Zaldizurreta eta Iturralde kaleetan bi norabideko zirkulazioa kendu egingo dute. Antzizarreko bidegurutzea kendu eta biribilgunea egitea ere proposatu dute. Aparkalekuei dagokionean berriz, tren geltoki inguruan, Erauskin eta Euskadi plazan eta Oriamendi kalean txandakako aparkalekuak eta TAOa jartzea da Hamaikabaten aukera. Bernedoenean aparkaleku bertikal bat egiteko aukera ere aztertuko dute, eta baterian aparkatzeko guneak sortuko dituzte. Udal eraikinetan [...]
Hamaikabat alderdiak Joxe Arizmendi aurkeztu du gaur Ordiziako alkatetzarako. Aurkezpen ekitaldian Pello Gonzalez Ogasun diputatu eta Batzar Nagusietarako Oria eremurako hautagaia izan du lagun. Hamaikabat alderdia “alderdi berria” dela esan du, baina zerrenda “ibilbide luzeko pertsonek” osatzen dutela. “Ordizian zazpi zerrenda aurkeztu gara, eta horrek erakusten du Ordizia anitza dela. Frentismoa alde batera utzita, abertzaletasun instituzionala da defendatuko dugun proiektua”. Arizmendik nabarmendu du bere lehentasuna “ordiziarrei eguneroko bizitzan sortzen zaizkien arazoak konpontzea” izango dela. Joxe Arizmendi ordiziarra da, eta 46 urte ditu. 1995tik 2003ra Ordiziako Udaleko alkateorde izan zen, eta 2007. urtetik Foru Aldundiko Politika Sozialeko departamenduaren planifikazio eta inbertsioetarako zuzendaria da. Hauteskunde programaren laburpena Datozen egunetan aurkeztuko duten programaren laburpena egin du Arizmendik aurkezpenean. Hirigintza arloan, esaterako, Ordiziako kasko historikoaren izaera indartzearen alde azaldu da, eta oinezkoentzat espazio gehiago sortuko dituztela iragarri du. “Aparkalekuena ez da Ordiziak duen gabezia nagusia, baina Arboladian lurpeko aparkalekua egitea proposatzen dugu”. San Joango hirigintza proiektuari ere jarraipena eman beharko zaiola gogoratu du, baina aurrera begira alokairuzko etxebizitzak sortzearen alde hitz egin du. Era berean, San Bartolome auzoa “liberatzeko” trenbidea lekuz mugitu beharko dela esan du. “Hori egin bihur dadin lan egingo dugu”. Ekonomia biziberritzeko, berriz, Arizmendik esan du enpresa mailan Ordizia “mugatuta” dagoela, [...]
“Aniztasuna eta partaidetza” bultzatzeko asmoz aurkeztuko da Beasaingo Hamaikabat alderdia maiatzaren 22ko hauteskundeetara. Josi Insausti da zerrendaburua, eta hamazazpi hautagaitatik hamabi independenteak dira. Insaustik atzo egindako aurkezpenean azaldu zuenez, Hamaikabaten “zerrendan, proiektu abertzale honekin konpromisoa duten aurpegi berriak daude, independenteak haietako asko, eta haien ondoan, kudeaketa publikoan izandako ibilbideagatik ezagunak diren pertsonak”. Hamaikabatek, “ikuspegi abertzale batekin eta udal gobernu plural eta bateratzaile batean oinarrituta” lan egin nahi du Beasainen datozen lau urteetan, “herritarren beharrei erantzun garbi eta eraginkorra emanda”. Horretarako herria ondo ezagutzen duten gizonez eta emakumez osatutako taldea aurkeztu du alderdiak, Insaustiren arabera. Zerrendan independente asko egoteak, “proiektu abertzale berri batekiko eta haren ezaugarriekiko konpomisoa dagoela” zehaztu du udalerako hautagaiak: “Batzean oinarritutako politika egiteko modu berri batetiko, eta frontismoa edo bloke politika egin beharrean, adostasunaren alde egiteko konpromisoa”. “Gehiengo abertzalea abiapuntutzat” Beasaingo gizartean dagoen aniztasun soziologikoa kontuan hartuta, Hamaikabateko kideek uste dute “Beasainek gehiengo abertzalea abiapuntutzat hartuta hazi eta garatu behar duela, gobernu jardun pluralista eta bateratzaile batekin”. Insaustiren arabera, ezin da agintekerian oinarritutako gobernurik egon, eta ezta “inposizioa beste helbururik ez duten blokeak sortu”. Hamaikabat horregatik sortu zela ere azpimarratu du Beasaingo hautagaiak, “ez dugulako abertzaletasun frontistarik nahi”. Herritarren partaidetzan oinarritutako gobernu jarduera bultzatu nahi du Hamaikabatek Beasainen, [...]
Atzo aurkeztu zuen Hamaikabat alderdiak maiatzeko udal hauteskundeetan Legazpin aurkeztuko duen zerrenda. Arantxa Arizmendi izango da zerrenda burua eta alkatetzarako hautagaia. Juan Ramon Larrañagak atzo esan zuenez, Arizmendi “hizketan denbora gutxi galtzen duen pertsona da, berehala ekimenak burutzen hasten den horietakoa”. Zuzenbidean lizentziatua da eta 2003-2007 legealdian alkateorde eta Kultura eta Euskara batzordeen arduraduna izan zen. Legealdi honetan Hamaikabaten bozeramalea izan da Legazpiko udaletxean. Larrañagak gogoratu zuenez, “taldean lan egitea gustatzen zaio, eta gertu dago protagonismoa besteekin partekatzeko”. Arizmendik berak ere hartu zuen hitza atzo. Legealdi honetako “udal gobernuaren bultzada falta” azpimarratu zuen, “horregatik, datozen urteetan udalean egiteko lan asko dagoela” aurreratu zuen. Zerrenda osatzen duen lan taldeari buruz, udal kudeaketan “esperientziadun pertsonak” daudela jakinarazi zuen, “gure etorkizunari aurre egiteko modu berriak azaltzen dituzten beste pertsona batzuek lagunduta”. Esperientzidun hautagaiak aipatzerakoan, Legazpiren garapenerako azkeneko urteetan eman diren “pausu garrantzitsuak” martxan jartzerakoan “parte hartze zuzena izan zutenak” zirela esan zuen, eta hori baieztatzeko hainbat adibide jarri zituen: Industrialdeak, 21 agenda, Lenbur, Legazpi Bai; hirigintzari dagokionak udaletxe ingurua, bariantea, Urtzazar eta Mirandaola parkeak eta beste zerbitzu batzuen arloetan Meazti Etxea, Santa Cruz zaharren egoitza, Gazte txokoa, Gaztetxea., igerilekua, etab.” “Ditugun baliabide guztiak aprobetxatuz, aurrera begiratu behar dugu, eta krisi ekonomikoak beltzez estali [...]
Pello Gonzalez Ogasun diputatuak, eta Gipuzkoako Diputatu Nagusi izateko Hamaikabaten hautagaiak, egungo egoera politikoari buruzko hitzaldia egingo du gaur. 19:00etan hasiko da hitzaldia, alderdiak Beasainen duen egoitzan (Andre Mari kalea, 5. Loinaz...
Hamaikabat alderdiak egoitza ireki du Beasainen. Alderdiaren zortzigarren egoitza da eta aurrerantzean Andramari kalean egongo da «herritar guztiei irekita». Inaugurazio ekitaldian parte hartu dute Josi Insausti Beasaingo Udalerako hautagaiak, Iñ...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
