Hitzarok urteko batzarra egingo du ostiralean
Ordiziako Hitzaro Euskara Elkarteak urteko batzar nagusia egingo du ostiralean, hilak 25, Barrena kultur etxean, 18:30ean hasita. Lau puntuko gai-zerrenda izango dute aztergai: 2010eko jarduna eta diru-kontuak azaltzea; 2011. urteko egitasmoa eta aurre...
Ordiziako Hitzaro Euskara Elkarteak urteko batzar nagusia egingo du ostiralean, hilak 25, Barrena kultur etxean, 18:30ean hasita. Lau puntuko gai-zerrenda izango dute aztergai: 2010eko jarduna eta diru-kontuak azaltzea; 2011. urteko egitasmoa eta aurrekontua azaltzea; zuzendaritza taldeko kide berriak hautatzea; eta galde-erantzunak. “Batzar horretan erabaki garrantzitsuak hartzen dira, eta horregatik Hitzarokide guztiei batzarrean parte hartzeko deia” egin die zuzendaritzak.
Afaria sagardotegian
Batzarraren ondoren, eta ohitura duten moduan, Ataungo Urbitarte sagardotegira joango dira afaltzera. Autobusa 20:30ean abiatuko da. Bazkideei ez ezik, mintzalagunei ere afaritara biltzeko gonbidapena egin diete.
