Olaberriak gaur jokatuko du Herriarteko itzulikoa herrian, Ataunek bihar Donostian
Herriarteko pilota lehiaketan, jokatzen ari diren faseetako itzuliko jardunaldiak asteburuan jokatuko dituzte jokoan segitzen duten Goierriko bi herriek, Ataunek eta Olaberriak. Palako adarrari dagokionez, Olaberriak gaur arratsean ditu bi partida, Oia...
Herriarteko pilota lehiaketan, jokatzen ari diren faseetako itzuliko jardunaldiak asteburuan jokatuko dituzte jokoan segitzen duten Goierriko bi herriek, Ataunek eta Olaberriak. Palako adarrari dagokionez, Olaberriak gaur arratsean ditu bi partida, Oiartzunen aurka. Finalaurrekoetako koska gainditu eta beste urte batez final handian sartzeko erabakigarria da gaurko jardunaldia. Olaberriko udal pilotalekuan 20:30ean hasiko da jaialdia, larruzko paletan eta pala motzean neurketa banarekin. Joanekoan partida bana irabazi zituzten Olaberriak eta Oiartzunek, aurreko asteburuan Madalensoro pilotalekuan (Oiartzun). Bana daude bi herriak oraingoz, baina Olaberriak 12 tantoko aldea du aurka.
Bestetik, Ataunek Donostiako Atano III.a pilotalekuan jokatuko du bihar, larunbata, 16:30etik aurrera. Kadete, jubenil eta nagusi mailetako partidak bata bestearen atzetik izango dira. Lehen jardunaldian 0 eta 3 nagusitu zen Donostia, Ataungo Auzoeta kiroldegian.
