Ataunen argazki rallya egingo dute igandean
Ataungo Udalak argazkigintzako rallya antolatu du, iganderako. Zortzigarren ekitaldia izango du, eta egunean bertan partaideei jakinaraziko dizkieten gaiak erretratatu beharko dituzte, Ataungo udalerrian. Argazki-kamera digitalarekin ariko dira argazki...
Ataungo Udalak argazkigintzako rallya antolatu du, iganderako. Zortzigarren ekitaldia izango du, eta egunean bertan partaideei jakinaraziko dizkieten gaiak erretratatu beharko dituzte, Ataungo udalerrian.
Argazki-kamera digitalarekin ariko dira argazkilariak, sarrera 5 euro ordainduta. Izena igandean 09:00etatik 10:00etara eman beharko da, Ataungo udaletxearen aurrean.
Ateratako argazki guztien artetik, parte-hartzaileak gehienez 25 irudi deskargatu ahalko ditu, bukaeran. Lehenak autoerretratua izan behar du, nahitaez. Memoria txartela 13:30-14:30 artean entregatu behar da, eta orduan esan behar da zein argazki jaitsi nahi diren. Kablea eraman behar da.
Lehen saria 300 euro da, bigarrena 150 euro, eta lehen ataundarrarena 90 euro. Hirurek oroigarri bana jasoko dute.
