Ertzain auto batek istripua izan du Zaldibian
Ertzaintzaren ibilgailu ofizial batek zirkulazioko istripua izan zuen, atzo, Zaldibian. Herrigunea inguratzen duen saihesbidean gertatu zen ezbeharra, 21:30ean. Autoa, lur orotako motakoa, errepidetik irten zen, “abiadura handia medio”, lekukoek azaldu dutenez. Ostatu Buru etxearen atzeko terraza bat gainditu zuen, eta aurrerago beste eraikin bat jota gelditu zen, Zaldibia.org webguneak dioenez. Lekukoen arabera, ertzain autoan zihoan bidaiari bat arinki zauritu zen.
-
- Ertzain autoa, bazterra jota./Zaldibia.org
-
- Istripua. /Zaldibia.org
