Garapenerako zortzi proiektutara 78.000 euro bideratu ditu udalak
Mundubat fundazioak El Salvadorren duen garapen proiektua da udalaren laguntza jasoko dutenetako bat
Mundubat Fundazioak El Salvadorreko emakumeen alde duen proiektu bat da laguntza jaso duenetako bat. Drolma Tibeten aldeko elkarteak, berriz, 1.365 euro jasoko ditu.
Belen Maiza zinegotziaren ara- bera, onartutakoak «proiektu oso sendoak» dira, «erakunde horien egitura ere sendoa» delako, baina kezkatuta azaldu zen GKE txikiagoak diru laguntzari gabe geratu direlako, Herriak Elkarlanean tartean. Gai hori errebisatzeko konpromisoa hartu zuen Maizak.
PSE-EEren mozioak aurrera
PSE-EEk hiru mozio aurkeztu zituen osoko bilkurara, eta xehetasun txiki batzuk moldatuta, Bilduren, EAJren eta sozialisten babesa jaso zuten. Lehen mozioa herritarren partaidetzari buruzko akordio markoaren ingurukoa zen; bigarrena, pentsioak eguneratzearen eta errebalorizatzearen aldekoa; eta hirugarrena eta azkena Indian ematen ari den genero indarkeariaren aurkakoa.
Azken mozio horren inguruan, EAJko bozeramaile Jose Migel Santamariak esan zuen zalantza sortzen zaiola ea osoko bilkura den nazioarteko gai horiek aurkezteko gunea, esanez horrelako kasuak egunero eta munduko
leku askotan daudela, eta agian beste foro batean lantzeko egokiagoak direla. Santamariaren azalpena ulertzen zutela erantzun zuten Igor Eguren alkateak eta Iñaki Dubreuilek.
Ordizia Lantzenekin eta San Joan auzoko lur sail batzuen xehetasun azterketekin lotura zuten lau puntuak eztabaidarik gabe onartu zituzten, baita Imanol Iturriotz Euskara zinegotziak EBPN beste urtebetez luzatzeko egindako proposamena ere. Otsaileko osoko bilkuran udal aurrekontua onartzekoak dira.
