Gazta Eguna dela eta, asteburu honetan Idiazabalgo pala txapelketako partidak Ordizian jokatuko dituzte. Sei partida jokatuko dituzte, guztiak larunbatean. 09:00etatik aurrera, Campos eta Trinkete, Pagoaga II eta Urigoitiaren aurka arituko dira, Arruti eta Olaizola, Alegria eta Gonzalezen aurka eta Urretabizkaia eta Marin, Martinez eta Alvarezen aurka. 15:30etik aurrera, beste hiru lehia jokatuko dira: Errastik eta Esnaolak, Iribarrekin eta Diazekin neurtuko dituzte indarrak, Juanenak eta Anduezak, Barbulorekin eta Aranjuelorekin eta Agirrek eta Martinezek, Berdeguerekin eta Pedro Luisekin.
