Ezkio-Itsasoko abesbatzaren 25. urteurrena eta argazki lehiaketako sari banaketa
Ezkio-Itsasoko abesbatzak 25. urtemuga bete du, eta hori ospatzeko, saio berezia egin dute asteburuan, udaletxeko aretoan. Saioarekin batera, Juanito Idiakez abesbatzaren sortzailea eta Xabier Barriola, egungo zuzendaria omendu zituzten. Herriko umeek, gainera, lore bana eman zieten abesbatzako kideei. Koruak mende laurdena bete badu ere, etorkizuna bermatzeko jende berria ere behar dutela gogorarazi zuten, eta horretarako, animatu eta izena emateko deia egin zieten herritarrei.
Ezkio-Itsasoko abesbatzak 25. urtemuga bete du, eta hori ospatzeko, saio berezia egin dute asteburuan, udaletxeko aretoan. Saioarekin batera, Juanito Idiakez abesbatzaren sortzailea eta Xabier Barriola, egungo zuzendaria omendu zituzten. Herriko umeek, gainera, lore bana eman zieten abesbatzako kideei. Koruak mende laurdena bete badu ere, etorkizuna bermatzeko jende berria ere behar dutela gogorarazi zuten, eta horretarako, animatu eta izena emateko deia egin zieten herritarrei.
Abesbatzaren saioaren aurretik, Ezkio-Itsasoko argazki lehiaketako sariak ere banatu zituzten. Andoni Albisuarena izan zen epaimahaiaren ustez argazkirik onena, eta ondorioz, 200 euroko sari nagusia jaso zuena. Webgunearen bidez herritarren boto gehien jaso dituena, berriz, Itziar Etxezarretaren argazkia izan da. Gaztetxoen mailan, berriz, Irati Arratibelek jaso zuen lehen saria; webgunean, Paulo Albisuak eta Garazi Garmendiak jaso zituzten botorik gehienak.
