Unai Biain eta Adrian Perezek irabazi dute Idiazabalgo goitibehera jaitsiera
Gaur eguerdian XIX. goitibehera jaitsiera egin dute Idiazabalen. Euskal Herriko Inertzia Kirolen Federazioaren egutegiko lehen proba izan da. 35 pilotuk parte hartu dute. Horietako batzuk Euskal Herritik kanpokoak. Unai Biain eta Adrian Perez nagusitu dira. Bigarren postuan Julen Markez eta Eneko Diaz de Garaio gelditu dira eta hirugarrenean Ioritz Aranguren eta Gotzon Aranguren. Horiek guztiak neumatikodun goitibeherekin aritu dira. Goitibehera arinetan Julen Gonzalez nagusitu da, Aaron Delgado eta Ander Odriozolaren aurretik. Drift Trike kategorian Eneko Agirre nagusitu da, Unai Ponceren eta Ioritz Ondarraren aurretik.
Horra hor bideoa eta argazki batzuk.
