Sahara Krosa otsailaren 23an izango da aurten
Bi ibilbide izango ditu, 10 kilometrokoa eta 5,4koa. Izen-ematea zabaldu dute dagoeneko.
Herritar taldea Sahara-Kroseko helmugan, iaz // Naia Begiristain Ormaiztegiko Sahara Krosak badu data: otsailaren 23an izango da, 11:00etan hasita. Urtero egiten den bezala, aurten ere bi ibilbide izango ditu lasterketak. Alde batetik, 10 kilometrokoa, eta, bestetik, 5,4 kilometrokoa. Izen ematea sahara-cross.com webgunean egin daiteke dagoeneko. Saharara bidaliko dute izen ematean lortutako dirua; iaz, 5.500 euro eskuratu zituzten.
