Ikatzaren argazki erakusketa gaurtik aurrera Legazpiko kultur etxean
Elkarteko bazkideen lanekin osatutako erakusketa kolektiboa da. Gaur ireki eta hilaren 20ra arte egongo da ikusgai.
Koronabirusak ez du eten Legazpiko Ikatza elkarteko bazkideen jarduna, eta argazkigintzari ez diote bizkarrik eman azken hilabeteetan. Lan horren emaitza ikusgai jarriko dute gaur bertan kultur etxean. Bazkideek egindako argazkiekin osatutako erakusketa kolektiboa da, eta hilaren 20ra arte egongo da irekita, astelehenetik ostiralera 17:30etatik 20:30etara.
