Igartzan asteazkenetan bisita gidatu bereziak egingo dituzte udan
Igartzako Monumentu Multzoa uda denboraldian murgilduta dago bete-betean. Honela, informazio puntua zabalik izango da asteazkenetik igandera, 11:00tatik 14:00tara eta 16:00tatik 19:00etara. Egun horietan ohiko bisita gidatuak egingo dituzte Igartzako Monumentu Multzoa ezagutzeko: 11:30ean, 13:00etan, 16:30ean eta 18:00etan.
Hala ere, asteazkenak bereziak izango dira, bisita gidatu bereziak eskainiko baitituzte 16:30ean. Txandakatuz, Emakumeen presentzia Igartzan eta bisita mitologikoa izango dira egin ahal izango diren bisitak. Gaur, bisita mitologikoaren txanda izango da, eta uztailaren 26an, Emakumeen presentzia Igartzan. Bisita gidatu berezietan parte hartzeko, aurrez erreserba egin behar da.
Erakusketak ere zabalik
Bestalde, abuztuaren 27ra arte, hiru erakusketa egongo dira ikusgai: errotan Kanpaien artea; burdinolan Elkanoren mundu birako musika tresnak; eta jauregian Emakumeak musika tresnetan.
