Sorgintxulok jolas kooperatiboen saioa antolatu du
Legazpiko Kultur Etxean izango da, larunbatean, eta LHko 3, 4 eta 5 mailetako ikasleei zuzenduta dago.
Legazpiko Sorgintxulo taldeak jolas kooperatiboen saioa antolatu du larunbaterako, otsailak 3, Lehen Hezkuntzako 3., 4. eta 5. mailetako ikasleei zuzenduta. Kultur Etxean izango da, 17:00etan, eta gutxi gorabehera 18:3ean amaituko da.
Parte hartzeko izena eman behar da, on line, eta horretarako azken eguna otsailaren 1a izango da; 14:00etan itxiko dute epea. Jolas kooperatibo batean ez dago lehiarik. Parte hartzaile guztiak helburu bera lortzen saiatzen dira. Hori dela eta, irabazi edo galdu egiten dute, baina talde gisa.
