Goierri beheko manisfestazioa jendetsua izan da, eta Ordiziako plaza mukuru bete da. "Duintasun lezio bat ematera atera gara", aldarrikatu dute antolatzaileek.
Euskal gehiengo sindikalak deitutako greba egunak bezala, arratsaldeko manifestazioek ere erantzun zabala jaso dute, eta jendetza bildu da Beasainen, Urretxu-Zumarragan eta Legazpin deitutako manifestazioetan. Urretxun, arratsaldean zabalik zegoen Eroski saltokira sartu dira manifestariak. Beasainen berriz, ehunka lagun atera dira kalera, "Eskubide laboral eta sozial duinak, EHak eredu propioa" zioen pankartaren atzetik. Bidean zehar, Ernai gazte erakundeko hainbat kidek parodiak egin dituzte, besteak beste, langabezia, gazteen egoera edota hezkuntza erreforma salatzeko.
Goierriko industria arloko enpresarik gehienak eta kaleetako denda eta tabernak itxita daude. Orokorrean euskal gehiengo sindikalaren greba orokorrerako deiak jarraipen zabala izan du eskualdean. Besteak beste, CAF, Irizar, Orkli, Indar, Bellota, TTT Ejes, Jaso, Guerra, Aluminox lantegiek bat egin dute grebarekin. Administrazio publikoan era nabaritu da; Sasieta Mankomunitateak edota Ordizia eta Beasaingo udalek ez dute lanik egin gaur; ezta bi herri horietako zahar egoitzetan eta Ordiziako Majori kiroldegian ere. Eroski, Lidl eta Carrefour-en moduko saltoki handiek ere ateak itxita zituzten goizean.
Beasaingo Udalak bat egin du Euskal Herriko hainbat sindikatuk eta eragile sozialek ostegun honetarako egindako greba deialdiarekin. Deialdi hori “ikuspegi ezberdinetatik” egin bada ere, udalak “era baikorrean agurtzen du erantzun zab...
Langileen eskubideen defentsan hainbat mobilizazio egin ditu gaur eguerdian LAB sindikatuak, eta martxoaren 29ko greba orokorrean parte hartzeko esan die Goierriko langileei. Goizean Ataundik eta Ormaiztegitik abiatuta kotxe karabana egin dute, eta Legorretatik berriz oinez etorri dira hainbat lagun. Eguerdiko ordu batean Beasaingo plazan elkartu dira mobilizazio horietan parte hartu duten herritarrak zein beste hainbat lagun, eta ekitaldi politikoa egin dute. LAB sindikatuaren izenean Usua Lasak hartu du hitza, eta esan du 2008an krisia lehertu zenetik hainbat erreforma egin dituztela, eta horien ondorioz langileek “geroz eta eskubide gutxiago dituztela”. Dena den, Lasak azpimarratu du Rajoiren PPk egin duen erreforma aurrekoak baino “basatiagoa” dela. “Krisialdia ez da erreformaren arrazoia, aitzakia, baizik, eta erreforma honek patronalari boterea ematen dio”. Horren ondorioz LABen ustez, orain enpresariek lan egutegia, ordutegia eta lan antolaketa guztia aldatu ahal izango dute beraien kabuz, soldatak jaitsi ahal izango dituzte, eta kaleratzeak “inoiz baino merkeagoak” izango dira. Lasarentzat argi dago krisiaren beldurra erabili dutela lan harremanak desregularizatzeko eta “enpresariei nahi dutena egiten uzteko”. Patronalaz gain erantzule politikoak ere badaudela eman du jakitera Lasak: “PSOEren eskutik etorri ziren lehen lau erreforma handiak CCOO eta UGT sasi sindikatuak babestuta”. Horrez gain, gogoratu beharra dago LABen iritziz, EAj-k aurreko erreforma guztiak ahalbidetu [...]
Euskal gehiengo sindikalak 2009tik deitutako seigarren greba orokorra izango da ostegunekoa. Greba deialdia Euskal Herriko sindikatu gehienek egin dute –ELA, LAB, ESK, STEE-EILAS, EHNE, HIRU eta CNT–. Grebak krisi ekonomikoaren aurrean Gasteizko, Iruñeako zein Madrilgo gobernuen politikei kontra egiteko «modu bakarra borroka eta mobilizazioa» direla agerian utzi nahi du. Horrez gain, «urrunago joan eta alternatiba bat eraiki behar» dela diote sindikatuek, «lehen urratsa Euskal Herriko Eskubide Sozialen Gutuna burutzea izango da».
Ostegunean hilabete egingo du CAFeko garbitzaileen grebak. Hainbat hilabete daramatzate protestan, baina apirilean erabaki zuten greba mugagabea hastea. ELA eta LAB sindikatuen izenean, langileak prentsaren aurrean agertu dira gaur goizean, beraien ...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
