Gurutze Gorriak eta Carrefourrek eskola materiala bilduko dute
Goierriko Gurutze Gorriak eta Carrefourrek eskola materiala bilduko dute bihar eta etzi Olaberriako merkatal gunean. Gurutze Gorriko arduradunek jakinarazi dutenez, bildutako material guztia, bazterketa soziala jasateko arriskuan dauden haurren eta gazteen artean banatuko dute. Gurutze Gorriak materiala biltzeko mahaia jarriko du, nahi duten herritarrek bertan arkatzak, kuadernoak, margoak… utzi ditzaten. Carrefourrek, bildutako materialaren kopuru berdina emango du, guztira, bildutakoaren bikoitza banatu dezan ondoren Gurutze Gorriak. Kanpaina honekin, arazo ekonomikoak dituzten familien beharrak ase nahi dituzte bi elkarteek, 2011-2012 ikasturtea hastear den honetan, “familia askok eskola materiala erosteko zailtasun handiak izaten baitituzte”, azaldu dute Gurutze Gorritik.
Goierriko Gurutze Gorriak eta Carrefourrek eskola materiala bilduko dute bihar eta etzi Olaberriako merkatal gunean. Gurutze Gorriko arduradunek jakinarazi dutenez, bildutako material guztia, bazterketa soziala jasateko arriskuan dauden haurren eta gazteen artean banatuko dute.
Gurutze Gorriak materiala biltzeko mahaia jarriko du, nahi duten herritarrek bertan arkatzak, kuadernoak, margoak… utzi ditzaten. Carrefourrek, bildutako materialaren kopuru berdina emango du, guztira, bildutakoaren bikoitza banatu dezan ondoren Gurutze Gorriak. Kanpaina honekin, arazo ekonomikoak dituzten familien beharrak ase nahi dituzte bi elkarteek, 2011-2012 ikasturtea hastear den honetan, “familia askok eskola materiala erosteko zailtasun handiak izaten baitituzte”, azaldu dute Gurutze Gorritik.
