Urbietako ikastaroetan izena emateko epea irekita dago
Urbieta arte plastikoen zentroak ematen dituzten ikastaroetarako izen emate epea irekita dago. Aurten ere, Gala ballet eskolan, marrazketa eta pintura tailerrean, antzerki tailerrean, argazkigintza ikastaroan, eta zeramika eta esmalte eskolan eman ahal...
Urbieta arte plastikoen zentroak ematen dituzten ikastaroetarako izen emate epea irekita dago. Aurten ere, Gala ballet eskolan, marrazketa eta pintura tailerrean, antzerki tailerrean, argazkigintza ikastaroan, eta zeramika eta esmalte eskolan eman ahalko dute izena nahi duten beasaindarrek.
Gala ballet eskolan urriaren 3an hasiko dituzte eskolak bost eta hamalau urte artekoek. Bear elkartean ere egun berean hasiko dira marrazketa eta pintura eskolak Jokin Telleria margolariarekin. Argazkigintza ikastaroan ikasle kopuru mugatua onartuko dute Argizpi elkartekoek, eta eskolak urriaren 3an hasiko dira.
Antzerki tailerrean eta zeramika eta esmalte eskoletan berriz, urriaren 4an hasiko dira. Antzeki tailerrean gutxienez 10 ikaslek eman beharko dute izena. Zeramika tailerrean gazteentzako eskolak ere emango dituzte, bederatzi eta hamalu urte arteko haurrei zuzenduta.
Aipatutako bost ikastaroetan izena eman nahi dutenek udaletxeko kultura sailean eman behar dute izena. Informazio gehiago nahi duenak, 943 02 80 65 telefono zenbakira deitu dezake, edo mezua bidali kultura@beasain.net helbidera.
