Puntu bakarra lortu du asteburuan Beasainek
Banako berdinketarekin amaitu zen larunbatean Durangoko Cultural eta Beasain taldeen arteko futbol partida. Bizkaitarrak aurreratu ziren markagailuan, lehen zatiko 15. minutuan, Zuberok sartutako golarekin. Lehen zatian etxekoak izan ziren nagusi Tabir...
Banako berdinketarekin amaitu zen larunbatean Durangoko Cultural eta Beasain taldeen arteko futbol partida. Bizkaitarrak aurreratu ziren markagailuan, lehen zatiko 15. minutuan, Zuberok sartutako golarekin. Lehen zatian etxekoak izan ziren nagusi Tabira zelaian, baina bigarren zatian beasaindarrak indartsu irten ziren zelaira eta partida berdintzea lortu zuten penaltiz. Cultural taldeko Enziondok eskuarekin jo zuen baloia area barruan 73. minutuan, eta Arregik sartu zuen beasaindarren gola.
Asteburuko emaitzaren ondoren, seigarren postuan dago Beasain sailkapen orokorrean, bederatzi punturekin. Asteazkenean jokatuko du hurrengo partida Beasainek, 20:00etan, Loinatz zelaian. Santutxu taldea hartuko dute etxean txuri-urdinek.
