Bareak elkartea ezagutzera emateko jaialdia egingo dute asteburuan
Bareak elkarteko zuzendaritzako kideek aurkeztu dituzte asteburuko ekintzak Bareak elkartean barruan biltzen diren denda, jatetxe eta tabernak ezagutzera emateko, lehen Bareak Asteburua antolatu dute. Gizarteari lotutako festa egin nahi dute, eta horretarako, alor ezberdinetako jendea biltzeko baliagarriak diren ekintzak antolatu dituzte asteburu honetarako. Bihar hasi eta igandera arte, pintxo lehiaketa, trikipoteoa, haurrentzako jolasak, rock kontzetua, zozketak eta azoka antolatu dituzte. Azokan, elkarteko bazkide diren 23 dendek parte hartuko dutela iragarri dute (Alzuaran, Andreak, Argi optika, Arteka, Cortes, Foto Alzuri, Infocoste, Itak, Jokin Mujika, Julki, Kux-kux, Malda, Naia, Natxo, Ol-Laia, Otea, Pergola, Rainbow, Siboney, Txindoki, Zugaitz, eta Zuretzat). Bareak elkarteko Carlos Gonzalez azaldu duenez, «azoka ez da stock azoka izango. Denboraldi honetako hainbat gai egongo dira salgai, eta eskaintza bereziak ere egongo dira». Salgai egongo diren produktuen artean, helduntzako eta haurrentzako arropa, oinetakoak eta barruko arropa aurkitu ahalko dira. Halako azoketan ohikoak izaten ez diren beste denda batzuek ere parte hartuko dutela esan du Gonzalezek: «Bi txirrindu dendek, gozotegi batek, eskulan denda batek, eta argazkien eta informatika alorreko gaiak dituen beste batek ere aterako dituzte produktuak kalera. Edergintza alorreko beste batek ere bai, eta sukaldeko altzariak ere egongo dira azokan». Bareak elkarteak postua ere jarriko du, herritarrei eta goierritarrei elkarteak eskaintzen [...]
Bareak elkarteko zuzendaritzako kideek aurkeztu dituzte asteburuko ekintzak
Bareak elkartean barruan biltzen diren denda, jatetxe eta tabernak ezagutzera emateko, lehen Bareak Asteburua antolatu dute. Gizarteari lotutako festa egin nahi dute, eta horretarako, alor ezberdinetako jendea biltzeko baliagarriak diren ekintzak antolatu dituzte asteburu honetarako. Bihar hasi eta igandera arte, pintxo lehiaketa, trikipoteoa, haurrentzako jolasak, rock kontzetua, zozketak eta azoka antolatu dituzte. Azokan, elkarteko bazkide diren 23 dendek parte hartuko dutela iragarri dute (Alzuaran, Andreak, Argi optika, Arteka, Cortes, Foto Alzuri, Infocoste, Itak, Jokin Mujika, Julki, Kux-kux, Malda, Naia, Natxo, Ol-Laia, Otea, Pergola, Rainbow, Siboney, Txindoki, Zugaitz, eta Zuretzat).
Bareak elkarteko Carlos Gonzalez azaldu duenez, «azoka ez da stock azoka izango. Denboraldi honetako hainbat gai egongo dira salgai, eta eskaintza bereziak ere egongo dira». Salgai egongo diren produktuen artean, helduntzako eta haurrentzako arropa, oinetakoak eta barruko arropa aurkitu ahalko dira. Halako azoketan ohikoak izaten ez diren beste denda batzuek ere parte hartuko dutela esan du Gonzalezek: «Bi txirrindu dendek, gozotegi batek, eskulan denda batek, eta argazkien eta informatika alorreko gaiak dituen beste batek ere aterako dituzte produktuak kalera. Edergintza alorreko beste batek ere bai, eta sukaldeko altzariak ere egongo dira azokan».
Bareak elkarteak postua ere jarriko du, herritarrei eta goierritarrei elkarteak eskaintzen dituen zerbitzuen berri emateko. Aitor Mertxan Bareakeko teknikariak azaldu duenez, «elkarteko bazkide izan nahi duten denda eta tabernetako jabeei ere emango diegu informazioa, elkarteko kide izateak dituen onurak azalduz».
Hainbat dendarik zozketak egingo dituzte azokan erosten ibiliko diren bezeroen artean, eta igande iluntzean, lau pertsonentzako afaria zozkatuko dute.
Aurrera jarraitzeko asmoa
Lehen aldiz antolatu dute aurten Bareak Asteburua, eta antolatzaileak gustura daude elkarteko bazkideek eman duten erantzunarekin. «Uste baino erantzun hobea jaso dugu bazkideen aldetik, eta horrek esan nahi du aurrerantzean ere antolatuko ditugula halako ekintzat», zehaztu du Gonzalezek.
Azokarekin herritarrak eta goierritarrak Beasainen erostera gonbidatu nahi dituzte. Mertxanek esan duenez, «Beasainen produktu onak daude, eta erosteko ez dago zertan kanpora joan. Hori da erakutsi nahi duguna».
EGITARAUA:
BIHAR
– 19:00-21:00. Pintxo lehiaketa elkarteko tabernetan.
– 21:30. Pintxo lehiaketako sari banaketa. Bideluze plazan.
ETZI
– 10:30-14:00 eta 17:00-20:30. Azoka. Loinazko San Martin plazan.
– 11:00-14:00 eta 16:00-19:00. Quad-ak eta balancibikeak. Gernika pasealekuko pilotalekuan.
– 20:00-22:00. Trikipoteoa. Elkarteko tabernetan.
– 23:00. Rock kontzertua: Los Chords eta Lehman Brothers. Bideluze plazan.
IGANDEA
– 11:00-14:00 eta 17:00-20:00. Azoka. Loinazko San Martin plazan.
– 11:00-14:00 eta 16:00-19:00. Puzgarriak eta goming-a. Gernika pasealekuko pilotalekuan.
– 18:00. Txokolate jana eta zozketa. Plaza azpian.
