Liga hasiera bikaina Biok Zerbitzuak saskibaloi taldearena
Iazko denboraldian mailaz igotzea lortu zutenean Biok Zerbitzuak OKE saskibaloi taldeko mutilek ez zuketen pentsatuko horren ondo ekingo ziotenik aurtengo denboraldiari. Asteburuan ligako hirugarren partida irabazi zuten, Arrigorriagako Padura taldeari...
Iazko denboraldian mailaz igotzea lortu zutenean Biok Zerbitzuak OKE saskibaloi taldeko mutilek ez zuketen pentsatuko horren ondo ekingo ziotenik aurtengo denboraldiari. Asteburuan ligako hirugarren partida irabazi zuten, Arrigorriagako Padura taldeari 89 eta 64 irabazita Majorin. Partida ez zuten ondo hasi ordiziarrek, lo antzera atera baitziren kantxara, eta 0 eta 10eko aurkako partziala jaso zuten. Bizkaitarrena talde beteranoa da, eta bikaina jakin zuten alde horri eusten lehen hiru laurdenetan: 15-23, 32-37 eta 52-53. Laugarren laurdenean dena aldatu zen, ordea. Ordiziarrak defentsan indartsu ari ziren, eta kontraerasoan jokatu zuten. Horren ondorioz, aurkariak lekuz kanpo uztea lortu zuten etxekoek. Azken laurdenean lortutako partzialak (37-11) islatzen du azken minutuetan Majorin ikusitakoa. Azkeneko emaitza: 89-64.
